سؤال؟؟

سؤال:
مين وفين وإمتى وإزاي؟؟
غريبة
بيقولوا عليا إتجننت
غلابة
أصلهم ميعرفوش الحكاية
أصل الرواية
إنه وحشني

وحشتني عيونه
وهي مليانة شوق وحنين ليا

وحشني صوته
وهو مليان دفء وحنية

مين هو؟؟
فارس أحلامي
طيب وصفاته؟؟
شجاع مقدام مغوار
لا بيقف قدامه سور ولا نار
ميعرفش كلمة مستحيل
ولا عن الحق يميل

وسعادته في رضا ربه
وابتسامته دايما على وجهه
طيب وكمان حنين
وفي كلامه دايما لين

لا بيتعصب ولا بيثور
وعلى محارمه دايما غيور
مطبق تعاليم الإسلام
في الشارع وفي البيت كمان

بلاقيه دايما قدامي
مثلي الأعلى وفي قلبه مكاني

اوعوا تفتكروا اني مليت
من الانتظار أو حتى نسيت
أنا عارفة انه غيابه طال
بس عدم اللقا ده شىء محال
ودي حاجة مريحاني
ومخلياني ملكة زماني
والملل ده مش من طبعي
ولا في يوم راح ينفذ أملي

نرجع تاني للسؤال:
هو مين؟؟
وامتى هقابله وإزاي وفين؟؟
أصلي بصراحة كدة بحبه
ومش قادرة خلاص على بعده